ENERXÉTIKA 2020. APROXÍMASE O GRANDE ENCONTRO DO SECTOR DA ENERXIA NA FEIRA INTERNACIONAL DE GALICIA

A Feira da Enerxía de Galicia, en cuxo Comité Organizador participa o CGETI (Consello Galego de Enxeñeiros Técnicos Industriais), converterase entre os días 26 e 28 de marzo de 2020 nas instalacións da FEIRA INTERNACIONAL ABANCA en Silleda, nunha cita obrigada para os profisionais dun sector que está a viver un momento excepcional e decisivo. Concienciación social e empresarial, aposta decidida das entidades públicas, solucións tecnolóxicas axeitadas e motivacións económicas procedentes teñense aliñado para que o sector enerxético estea experimentando un proceso de transformación radical nos últimos anos que se traduce nunha remuda do paradigma enerxético que ten chegado para ficar e seguir evoluindo. O Certame quere reflectir ese cambio e se converter na sua cita de referencia no sul de Europa.

Para iso, o certame requiriu dunha renovada denominación e dunha nova imaxe, que reforzará seu valor como espazo de converxencia non só nacional, senón tamén internacional, incluindo valores tan presentes como innovación, modernidade e tecnoloxía. E aí, xogando un grande rol como axentes de relevo, áchanse os Enxeñeiros Técnicos Industriais galegos.

E así foi como naceu ENERXÉTIKA 2020, con o obxectivo de seguir a ser un valioso termómetro dos numerosos cambios que se prevén nos vindeiro anos e, tamén nunha plataforma única para xerar negocio, coñecimento e experiencia.