A XUNTA DE GALICIA E UNIÓN PROFESIONAL DE GALICIA ALÍANSE CONTRA O ACOSO SEXUAL

A Xunta lanza unha campaña para previr o acoso sexual nos lugares de traballo en colaboración con Unión Profesional de Galicia e os seus colexios profesionais asociados

A campaña chegará a máis de 70.000 profesionais colexiados e supón unha medida pioneira en España na loita pola igualdade. O vicepresidente da Xunta, Alfonso Rueda, insistiu na necesidade de implicar a traballadores, empresas, axentes sociais, institucións e á cidadanía en xeral. O presidente de Unión Profesional de Galicia, Antonio Macho, destaca que os colexios socios impulsarán entre os seus colexiados un protocolo para previr e erradicar condutas de acoso no ámbito laboral. A Xunta de Galicia vai lanzar nas próximas semanas unha campaña para previr o acoso sexual nos lugares de traballo na comunidade autónoma galega. Farao en colaboración con Unión

Profesional de Galicia, que agrupa a corenta colexios profesionais dos máis diversos ámbitos profesionais, e a Asociación Galega de Auditores Socio-Laborais ( Agaxen).