Na mañá de hoxe, día 24 de abril, tivo lugar na sede da Escola Técnica Superior de Enxeñaría (USC) en Santiago de Compostela a firma dun convenio entre o COGITI- CGETI e o Colexio Oficial de Enxeñeiras e Enxeñeiros Químicos de Galicia (COEQGA) en materia de formación. Deste xeito os membros do COEQGA beneficiaranse das mesmas oportunidades e ofertas das que disfrutan os Enxeñeiros Técnicos Industriais na Plataforma de Formación e-learning tutelada polo Consello Xeral da Enxeñaría Técnica Industrial de España (COGITI).
O acordo foi asinado por Toni Galdon, Presidente de COGITI, Macario Yebra Lemos (Presidente do CGETI) e Yolanda Moldes Diz, Presidenta de COEQGA.